അഹം

 

അഹം / ലൂയിസ് പീറ്റർ

നിള പോലെയാണിന്നു ഞാൻ

ഒഴുകാനാവുന്നില്ല

ആരോ എന്നെ കോരിയെടുക്കുന്നു

നിശ പോലെയാണിന്നു ഞാൻ

ഉറങ്ങാനാവുന്നില്ല

ഒരു നിലാവ്‌ എന്‍റെ മിഴികളിൽ

അണയാതെ നിൽക്കുന്നു

ചതിയനാണിന്നെന്‍റെ ദൈവം

അതിരാവിലെ

ഒരു കഠിന വേദന കരളിൽ തന്നു

മൊത്തിക്കുടിക്കേണ്ട

തൊട്ടുകൂട്ടാൻപോലും അല്പം

വിഷം തന്നില്ലയൊപ്പം

ഹേ, ബാംസുരി

നിന്റെ ഇടറിയ ജപശ്രുതി

ഇനിയുമെന്‍റെ കാതിൽ പകരരുത്‌ .

വസന്തം ഇങ്ങനെ ആണെങ്കില്‍ പൂക്കളോടുപോലും ഞാന്‍  കലഹിച്ചു പോകും....